فتح عينك بص كويس - منتدى المصري


Hi5 LayoutsHi5 LayoutsHi5 LayoutsHi5 LayoutsHi5 Layouts
Hi5 LayoutsHi5 Layouts
الـــمــــصـــــري            


Arab to Chinese (Simplified) BETA          Arab to English           Arab to French           Arab to Italian           Arab to German           Arab to Italian          Arab to Japanese BETA          Arab to Korean BETA           Arab to Russian BETA          Arab to Spanish                    



[ رسائل جديدة · المشاركين · قواعد المنتدى · بحث · RSS ]
صفحة 1 من%1
منتدى المصري » مـــــصـــــر أم الــدنــيـــا » مصر تتحدث عن نفسها » فتح عينك بص كويس
فتح عينك بص كويس
ZIZ4everالتاريخ: الإثنين, 2011-03-07, 1:10 PM | رسالة # 1



الجنس: ذكر
رقم العضوية: 2
تاريخ التسجيل: 2010-10-21
الرسائل: 14
الجوائز: 0  +
السمعة:  ±
الحالة: Offline
مصر
فتح عينك بص كويس


فتح عينك بص كويـــــــــس واعرف مين راح ينفع ريـــس
ويكون ناوى يحكم مــــــــده وميقعدش سنين ويغلـــــــــــس
ويكون راجل عال العــــــال ومعندوش (سوزى) و(جمـال)
ولا هايوّرث ولا هايدلـــــس ولا يقعد فى الكرسى متيــــــس
......

فتح عينك وافتح بقــــــــــــك واطلب دايما بالزوق حقــــــك
اوعى شاويش يلعب فى قفاك ولا تروح القسم يزقـــــــــــــك
اوعى تشوف العيب وتطنـش ولا تنام وتقول مأظنــــــــــــش
إن الحاكم ممكن يســـــــــرق ويشد اللقمه اللى فى بقــــــــــك
......
فتح عينك واعرف صوتــــك راح يتحط فى قايمة ميــــــــــن
مين الأولى ومين الأصلـــــح واللى يكون مخلص واميـــــــن
ويكون قانع مش طمـــــــــاع ويكون وقت الجد شُجـــــــــــاع
ميوطيش لشميل وكوهيــــــن ويحاصر أهل فلسطيــــــــــــــن
......
فتح عينك وارفع أيـــــــــــدك وارفع صوتك فى التحريــــــــــر
وارفع علم الشعب المصــرى وخليك مؤمن بالتغييــــــــــــــــر
حاسب الحاكم بالسحتـــــــوت متخلهش بقرش يفـــــــــــــــــوت
وإذا باع أرضك اقطع إيـــــده خليه يزرع فيها شعيــــــــــــــــر
......
فتح عينك للى هايمســــــــــك أى وزاره من الـــــــــــوزارات
لازم يعرف ان سيادتـــــــــــه هو وكل الخلق أخــــــــــــــوات
ويقف زيك فى الطوابيــــــــــر لأجل يحس الآم الغيـــــــــــــــــر
وميلهفش متين مليـــــــــــــون وأنت تعيش بثلث ميــــــــــــــات
......

فتح عينك لاحسن هازعـــــــل خليك مصرى جميل ومصحصح
بعد ما قمت بثوره عظيمـــــــة لازم تعلى ولازم تنجــــــــــــــح
وارفع شأن وطنا لفــــــــــــوق وانصح الحاكم بالـــــــــــــــزوق
ماذا وإلا على التحريـــــــــــــر يا تجره على باب المدبــــــــــــح
.....




<< التوقيع >>


تم تحرير الرسالة
 
منتدى المصري » مـــــصـــــر أم الــدنــيـــا » مصر تتحدث عن نفسها » فتح عينك بص كويس
صفحة 1 من%1
بحث:




Copyright ZIZO4ever © 2016